123泰菜館

營業中

休息中

呢日嚟呢間喺錦上路嘅123泰菜館諗住簡簡單單快食一個lunch。叫左個黃咖喱豬排飯($43)配凍檸茶(跟餐加$3)。餸同飯分開碟上，黃咖喱豬排望落顏色都幾靚，黃色嘅咖喱汁入面有新鮮嘅紅椒、青椒同洋蔥，顏色夠晒吸睛。個咖喱食落甜甜地，有明顯嘅椰汁味， 紅椒、青椒同洋蔥全部新鮮爽口，豬排係煎熟嘅，但係煎得唔算太香口，肉質實左少少。不過個咖喱汁好好送飯，要成碟食晒都無難度。凍檸茶茶味同檸檬味都足，亦唔會澀口。總括嚟講呢餐簡簡單單又唔覺有味精都算唔錯！