譚仔三哥米線

營業中

休息中

今晚突然好想食米線，所以約左daddy去三哥。呢一間三哥係樂富開咗冇幾耐，店舖面積大，乾淨，枱與枱之間唔會太逼夾。呢一間三哥價錢較某啲地區貴。嗌幾個餸已經差唔多一個過橋米線嘅價錢。但係因為我哋食唔同嘅辣度，所以我地兩個人食通常都會嗌一碗過橋米線同埋一碗普通米線，然後啲餸share食，咁樣就比較經濟。同其他分店嘅過橋米線味道一樣最近嘅新寵！番茄湯茄味好濃郁，酸酸地又甜甜地，又有得揀辣度，perfect！仲要好多腐皮！不過食過幾次都係嗌小辣，有時會比較辣，有時就冇乜辣，有啲飄忽凍菜蜜雖然嗌咗小冰，不過都仲係有好多冰，但係味道都係足夠嘅。