HIKARI

假期同男朋友係荃灣附近行街，見到一間簡約風嘅cafe，見裝修同嘢食都幾吸引，所以入嚟試吓😆餐廳裝修行日系清新風，比到我放鬆舒適嘅感覺。餐單野食雖然唔多，但睇落好似樣樣都好好食😋首先我哋叫咗一個劍魚腩醬油漬牛油果他他做前菜。劍魚腩有鮮味，牛油果他他調味唔錯，再配埋多士食，口感多一個層次，依個做開胃菜一流。主菜方面，我地叫左慢煮美國安格斯牛板腱新奧爾良飯。慢煮牛板腱好有牛味，而且煮得嫩，唔會過韌。另外，我地都叫左蒜香西班牙風腸八爪魚扁意粉。意粉好彈牙，西班牙風腸有少少辣，唔食辣嘅人士要留意返🙈飲品方面，我叫左一杯竹炭咖啡。咖啡偏nutty, 啱晒我😋 咖啡嘅竹炭香味好濃！而男朋友叫左一杯凍伯爵朱古力鮮奶，伯爵茶味好濃郁，但朱古力相對較淡，鮮奶飲落口好順滑。