妹記大排檔 (已結業)

今次對食很有要求嘅話食依間餐廳咁咪試吓囉。兩個人叫咗四味嘢。第一味係講到招牌菜咁巴閉嘅油條墨魚滑。炸得都脆口嘅。配搭埋彈牙墨魚滑係少見嘅創意。唔點汁都ok。不錯。金沙鮮魷。個汁有濃濃嘅咸蛋黃味。本身好正。可惜有三分之一嘅魷魚都炸到好硬好靭。依味嘢就變成高膽固醇練牙力佳選。健康及戴假牙人士注意！再嚟就係炸蠔餅。賣相是不錯的。食落都好香口。可惜幾油膩吓。不過都係要比個喊喊佢。因為入面大部分都係芫荽。說好的蠔仔只見幾隻。或者依味嘢應該叫炸芫荽更為貼切。食咗咁多炸嘢緊係要清一清啦。終於有味嘢可以讚吓喇。就係海鮮什菜煲。啲菜好清甜。又多海鮮。又大煲。好refreshing。總括嚟講嘢食就ok啦普普通通。價錢算大眾化嘅。分量都唔太少。想食大排擋風味又唔想去真。大排檔都不妨一試嘅。