葡匯咪走雞葡國餐廳 (已結業)

去澳門的話，必定會食一餐葡國菜，只要食過佢d蜆，一定難忘。香港葡菜餐廳唔算多，尖沙咀美麗華的「葡匯咪走雞葡國餐廳」算係最新一員。基本菜式如炸馬介休球、燒沙甸魚、葡式牛扒等等齊備。點菜後，如常地會先來一籃麵包，大大個豬仔包微暖，外面少脆，裡面煙韌，簡單塗牛油已好食，亦有橄欖可選。上面講過，食葡菜一定要食蜆，呢度的蜆好唔同，白酒煮紐西蘭刀背蜆（$245）隻隻超巨，蜆殼有女仔掌心咁大，好少見，肉都好飽滿，不過都唔會韌。簡單用白酒、蒜、芹菜等等去煮，已能帶出鮮味。剩下的湯汁不要浪費，撕一點麵包去索滿汁吃，比塗牛油更滋味。此行最主要係想食葡式烤乳豬，一向覺得佢比廣東式乳豬好味。呢度分3個分量：1/4隻（$280）、1/2隻（$480）、全隻（$880），記得訂位時要順道預訂。圖係1/4隻，有4小件。皮係葡式一貫的薄脆，脂肪唔多，可惜肉比較少，幾乎咬一啖就得返條骨，還好醃得夠香。怕唔飽，伴碟有貌似西炒飯的茄汁炒飯，唔算好食，旨在飽肚仍可。香蒜燒春雞（$195）係原隻上，唔大，似一隻雞脾片開兩半咁大，肉質唔係太嫩滑。面頭鋪左好多好多蒜蓉同香草碎，極之濃味，唔受得的話要三思。佢另外有芝士同辣的口味，大