玉庭

1月12日試呢一間點心，有一段時間冇嚟沙田唔太認得位置喺商場裏面行嚟行去兜圈先去到，千萬不要跟指示牌行喺商場度遊花園先至去到，喺金舖外出咗中空花園望對而就係啦整體我都好滿意,在酒店內所以價錢略貴,但都值得嘅，味道賣相都有8-9分埋單590幾蚊3大銀行信用卡有9折。最普通係腸粉，皮薄蝦大韭王幾多的，但啲韭黃冇味嘅，可能使得過份乾淨同埋啲韭黃係比較冧，。蟹肉絲酥餅，好食鬆化食落去唔油口，滿滿嘅蟹肉。黑松露包好鬆軟聞落去有淡淡嘅黑松露味，但唔會搶咗啲菇味，唔鍾意食黑松露嘅人都可以試 。蝦餃皮薄餡多，蝦大粒，不過啲蝦就冇乜蝦肉香味略淡嘅，味唔重，感覺味精少，口感好食的皮係彈牙嘅～雞扎普普通通，冇一層肥油，不過不失，算好食，但不是極好食。鮑魚酥好食，鹹甜感覺好好，個皮脆係甜嘅，而裏面嘅餡係帶子蝦面頭係鮑魚，鹹甜相好得意啲味道，美中不足係鮑魚係罐頭鮑魚當然係會用罐頭但就冇驚喜，鮑魚就係賣相靚囉。南瓜個甜品就好好食，用返佢嘅南瓜蓉加忌廉做番嘅布丁，食到忌廉同埋南瓜嘅香味唔會互搶同唔會過甜。