稻香超級漁港 (已結業)

早前見到稻香有半價菜式，今日見早左放工，稻香唔洗點等位，就一於黎試下啦。精選足料燉湯:是日既燉湯係茶樹菇，14蚊個湯又真係幾抵飲，3個人叫左2個SHARE，份量剛剛好。薑蔥紅灼海生蝦: 蝦唔算話好新鮮，但係對於48 蚊黎講真係算唔錯架啦。脆皮穗香雞 (半隻):口感一般，味道夠濃，肉質都可以，但係有點兒過油，都係果句，34蚊有半隻，咁既質素算係咁架啦。龍蝦伊麵: 龍蝦肉質彈牙，每件都算幾大舊，龍蝦同伊麵無論份量同味道濃度都適中，不過伊麵稍為淋。芒果布丁: 叫左之後成半個鐘先送到黎，好可惜呢個布丁真係令我幾失望，整得唔夠實，好易散，建議落多少少魚膠粉，口感同賣相都會好少少。