牛涮鍋 (已結業)

其實唔係第一次食Mou Mou club, 不過瓊林大廈內呢一間就未食過。本來想食中式一點嘅火鍋，又去由於呀仔喜歡自己出去拿雪糕反取各種食物結果又就佢🤪冇辦法佢食唔鍾意嘅嘢就寧願食少啲。唔知係唔係有一段時間冇食呢一間連鎖火鍋店，覺得好似多咗好多嘢食如雪耳、健康的藜麥、waffles 、日式餃子。欣賞他們的食物算乾淨同埋醬油配料嘅種類繁多⋯走進數碼年代，點餐叫食物甚至乎加湯都可以用電子平板不過我今日坐嘅梳化櫈上邊仲有好多汚積，一路食都聞到有陣噏未🤔。可能因為旺角人流多，所以地下同沙發嘅污跡都抹唔切，見到D侍應做到冇停手。整體來講都算係幾抵食過樓上幾間（唔好開名啦！）