混亂 STEAK (已結業)

我叫既係牛柳，超過400克，好大舊掙啲大過個鐵板，好冧。鐵板耐熱程度唔夠，可能因為塊鐵板太薄，而舊牛柳又太厚，其實店員已經幫我切開塊牛柳嚟煎，當然佢唔會幫我煎塊牛扒好熟，我估大約三成熟，留待我自己返到座位自己煎嚟食，可惜塊鐵板耐熱程度唔持久，我食咗三份一，塊板已經冇乜作用，後來我拎返出去比店員幫我再煎熟啲，其實用咁抵嘅價錢食到咁大塊牛扒，都冇乜要求。碗湯係非常之濃牛嘅味道，其實啱啲食肉獸去食，可以用一個好抵嘅價錢，滿足到食肉既慾望。