影片
更多
2022-12-16
1253 瀏覽
出發之前睇咗好多網友的食評，本來有少少擔心會失望。但係今日去完Cafe 103之後，我又覺得OK吖⋯由大堂入門口到等lift，到達103樓由入座到用餐，服務無得挑剔。因為媽咪生日，所以我有提早打電話同餐廳做咗remark，餐廳好好有主動幫我哋安排窗口位置同生日甜品。基本上所有服務員好有禮貌，細細聲講嘢然後幫你收碟，尤其要讚牛扒區的師傅，有介紹我試下紅酒煮牛肉，眼見佢有做手勢提醒同事要refil食物。所以食物全部都好夠熱，食物溫度尤其呢個天氣好緊要。唯一就係中間有一段peak time 食物refil得唔夠快，後來我見廚師都跑埋出來mon住，經理都跑來跑去，食物好快refil曬( 當然我一一看在眼內)食物: 烤羊腿&牛扒，忌廉烤三文魚都幾好食，雖然lunch buffet無龍蝦/蟹腳，但食得出所有海鮮都係新鮮嘅，比其他普通自助餐餐廳處理得更加乾淨，even貝殼類嘅食物都冇一粒沙。魚生都不錯，三文魚基本上係魚腩，北寄貝甜蝦都新鮮，當然唔少得佢哋嘅招牌叉燒。個人尤其鍾意今日的忌廉甘筍湯，夠creamy 好好飲。飯後仲有Movenpick，甜品推介芒果布甸，同細細粒咖啡奶凍&酒塞蛋糕，全部都好
由大堂入門口到等lift，到達103樓由入座到用餐，服務無得挑剔。因為媽咪生日，所以我有提早打電話同餐廳做咗remark，餐廳好好有主動幫我哋安排窗口位置同生日甜品。
基本上所有服務員好有禮貌，細細聲講嘢然後幫你收碟，尤其要讚牛扒區的師傅，有介紹我試下紅酒煮牛肉，眼見佢有做手勢提醒同事要refil食物。所以食物全部都好夠熱，食物溫度尤其呢個天氣好緊要。唯一就係中間有一段peak time 食物refil得唔夠快，後來我見廚師都跑埋出來mon住，經理都跑來跑去，食物好快refil曬( 當然我一一看在眼內)
食物: 烤羊腿&牛扒，忌廉烤三文魚都幾好食，雖然lunch buffet無龍蝦/蟹腳，但食得出所有海鮮都係新鮮嘅，比其他普通自助餐餐廳處理得更加乾淨，even貝殼類嘅食物都冇一粒沙。魚生都不錯，三文魚基本上係魚腩，北寄貝甜蝦都新鮮，當然唔少得佢哋嘅招牌叉燒。個人尤其鍾意今日的忌廉甘筍湯，夠creamy 好好飲。飯後仲有Movenpick，甜品推介芒果布甸，同細細粒咖啡奶凍&酒塞蛋糕，全部都好好味
的確我都贊成部分網友的意見，餐廳食物種類不算太豐富，價錢vs 食物種類的確有提高空間，少咗啲炸物，意粉或者點心之類嘅嘢…
但有時候食飯除咗食物質素，都會考慮埋環境同服務，成個用餐經驗好緊要。我個人來講成個用餐經驗幾好，以Ritz Carlton酒店級數，其實Cafe 103價錢算合理，見到屋企人開心已經無價。下次會再約朋友仔齊齊打卡食多次
忌廉甘筍湯，烤三文魚，凍海鮮，叉燒
$518
43 瀏覽
0 讚好
0 留言
張貼
