築間幸福鍋物

今日Lunch約咗同事去旺角食lunch，之前食過燒肉今次就試下台式火鍋啦😋「築間幸福鍋物」係台灣知名嘅火鍋品牌，而香港分店就係海外第一間分店，我地嗌咗個套餐加一個午市套餐，套餐包括湯底、主食、自助吧、飲品及甜品，而午市套餐價錢較為相宜，包含海鮮、肉類同自助吧🤩自助吧有30幾款蔬菜、丸類、菇類等，必食花枝滑，彈牙之餘仲食到粒粒墨魚😋海陸總匯鍋呢個套餐包括板腱牛加海鮮拼盤，可以試晒唔同嘅食材，海鮮包括虎蝦、海蝦、蠔仔、大蜆、三文魚片、龍躉片等，配上鮮味嘅爆炒龍蝦湯，鮮上加鮮🤩令味道層次更加提升👍🏻板腱牛肉質細嫩多汁，軟腍嘅口感配合適量嘅脂肪，牛味更為突出🐮海陸雙拼套餐呢個套餐限平日午市供應，我地揀咗小肥牛同走地雞腿，小肥牛雖則比不上板腱牛，但入口軟滑，雞肉彈牙，配上粵式胡椒豬骨湯，清甜胡椒味香濃，滋味十足🤤冬瓜檸檬茶味道酸酸甜甜零舍開胃，醒搭冬瓜清甜嘅味道，火鍋嘅最佳配搭阿里山烏龍冷泡茶同事想飲無糖飲品，佢揀咗冷泡茶，茶味香醇📍築間幸福鍋物 (旺角)旺角砵蘭街240-244號文華商場1樓C號舖人均消費：$200-300食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️回頭率：⭐️⭐️⭐️⭐️⭐️