吉野家 (已結業)

打邊盧，第一時間諗到吉野家，黎到呢間分店，實在太多人，夜晚9點幾，搵個位都唔易喎。張張枱都是打邊盧的，成枱都係野。好不容易找到位置，眼見清潔姐姐得三個，清潔全場之餘，仲要開爐收換火，好忙喔！放低包伏之後去買餐，排到自己已經無哂打邊盧，咁叫咩好呢？最後點了豚肉飯配麵豉湯。呢個份量夜晚食都對得住自己，費事食咁多，未到新年又增磅。如果你比較大胃口就唔叫呢D，應該唔滿意。其實個飯超普通，豚肉是打邊盧的豚肉，味道偏甜，但不會太肥或多筋。麵豉湯有豆腐同海帶，正常味道，不過每次飲的份量都有分別。都市人工作難免OT，就算係星期五，忙碌左一個星期，都想快快脆脆食飽就返屋企休息。如果想食打邊盧，真係下次請早！