影片
更多
2017-12-15
1946 瀏覽
是日同屋企人出咗去深水埗嘅福榮街玩具街買聖誕裝飾， 準備迎接普天同慶嘅聖誕節。黎到深水埗， 就梗係搵啲平民美食試下啦。呢間《L Place Cafe》 望落幾骨子， 而且價錢亦非常之大眾化。 晚市嘅龍蝦大餐，都只係百零二百蚊，仲有意粉套餐， 都只係一百蚊左右， 都咪話唔超值。每個套餐都包一杯嘢飲，餐湯同牛角包，保証夠飽夠滿足。是日嘅湯喺忌廉南瓜湯， 南瓜湯口感夠幼滑，可以嘗到南瓜嘅鮮甜， 又夠曬暖笠笠， 增添暖意。牛角包亦相當出色，外皮夠晒脆卜卜， 用焗爐翻熱後先畀客人， 保證熱辣辣。主菜叫咗【鮮蘆筍蟹肉忌廉扁意粉】， 意粉賣相相當不俗。 鮮蘆筍採用比較幼嫩嘅一種， 所以食落較翠嫩，又無渣。蟹肉嘅份量亦唔少，而且食落唔會腥。 最鍾意就係個扁意粉， 口感夠煙韌， 唔會煮得過淋一pat pat， 夠曬彈牙，我鍾意。另外加$32可以追加兩款小食， 【脆炸單骨雞翼】， 同埋【吉烈忌廉薯餅】， 兩款都即叫即炸， 相當鬆脆。 單骨雞翼好入味， 忌廉薯餅外脆內軟， 食嘅時候千祈要小心， 唔好滾親嘴呀~餐飲我就叫咗【凍朱古力】凍朱古力上面有一大舊忌廉， 味道香濃， 加埋落朱古力度一齊飲， 味道更加濃郁
呢間《L Place Cafe》 望落幾骨子， 而且價錢亦非常之大眾化。 晚市嘅龍蝦大餐，都只係百零二百蚊，仲有意粉套餐， 都只係一百蚊左右， 都咪話唔超值。
每個套餐都包一杯嘢飲，餐湯同牛角包，保証夠飽夠滿足。是日嘅湯喺忌廉南瓜湯， 南瓜湯口感夠幼滑，可以嘗到南瓜嘅鮮甜， 又夠曬暖笠笠， 增添暖意。
牛角包亦相當出色，外皮夠晒脆卜卜， 用焗爐翻熱後先畀客人， 保證熱辣辣。
主菜叫咗【鮮蘆筍蟹肉忌廉扁意粉】， 意粉賣相相當不俗。 鮮蘆筍採用比較幼嫩嘅一種， 所以食落較翠嫩，又無渣。蟹肉嘅份量亦唔少，而且食落唔會腥。 最鍾意就係個扁意粉， 口感夠煙韌， 唔會煮得過淋一pat pat， 夠曬彈牙，我鍾意。
另外加$32可以追加兩款小食， 【脆炸單骨雞翼】， 同埋【吉烈忌廉薯餅】， 兩款都即叫即炸， 相當鬆脆。 單骨雞翼好入味， 忌廉薯餅外脆內軟， 食嘅時候千祈要小心， 唔好滾親嘴呀~
餐飲我就叫咗【凍朱古力】凍朱古力上面有一大舊忌廉， 味道香濃， 加埋落朱古力度一齊飲， 味道更加濃郁。
其實豐儉由人， 唔一定要食貴嘢， 一家人齊齊整整咁食一餐簡單嘅晚餐， 同樣可以過一個溫馨嘅聖誕節。
張貼
