銀杏館 婆婆廚房

營業中

休息中

今日帶娘親試下社企銀杏館的婆婆廚房。無味精住家菜味道，不錯。.佢其實係半自助，除咗小菜外，沙律呀湯呀飯呀飲品自己任拎。我同娘親偏細食，眼見其他檯啲小菜都好大碟，只係咁啱我地碟斑球係細碟啲。所以自助區我地只沖了茶同攞少少白飯，我自己貪食夾了少少沙律菜，最後啲四季豆都食唔晒。.沙律菜比想像新鮮，因為我地去到已經1:30，以為會食剩揀淨殘殘黃黃咁。唔多選擇但足夠。三椒斑球同欖菜四季豆用料都新鮮，斑球無話厚厚炸漿，兩度菜新鮮熱焫上檯.味道你唔可以用高級餐廳比，佢主要都係60-90蚊一道仲要半自助，一般家常味道，水準可接受。唔想食快餐又想食返啲正路嘢係唔錯選擇。.環境尙算舒服，檯夠大，唔會放兩碟嘢兩杯嘢就郁唔到嘅隻。長期開住門，今日有少少陽光少少雨，溫度可接受，好彩這種天氣又無惹來小昆蟲。.員工當然是銀髮族，個個都好隨和有善、能幹，有些比較高級嘅餐廳員工都無呢種態度。氣氛舒服.得閒可再幫親下。