餃掂手工餃子雲吞專門店

同朋友行完街已經到夜晚拎住好多嘢，又唔想麻煩就入咗呢一間平民飯堂都食晚餐。糖心龍鳳蛋其實即係糖心蛋但係面頭在點上一小撮黑松露同埋白松露醬。糖心蛋唔算太流心，但係食落去好香蛋黃味。松露醬就係點綴返。韮菜餃配狀元湯呢個就比較清淡一啲，食韮菜既原味，但係每一個餡料都好飽滿。狀元湯就好清，完全冇落味精，得閒食下啲比較清淡嘅嘢清清腸胃都唔錯。四川涼皮我叫咗微辣，涼皮爽口，醬汁酸酸甜甜，好開胃。芝士豬肉餃我嘅至愛，芝士味好濃，外皮煎到非常香脆。蜜汁雞翼甜甜地，雞翼外皮亦都煎得微脆，唔錯。