影片
更多
2010-03-20
198 瀏覽
19-3-2010收工又趕「下場」, 又得返 30 分鐘食飯, 嚟到最就腳的呢間茶記搞掂, 還掂朋友推介呢度奶油多「好好食」. 胃口不大, 只簡單叫了唔知「特餐」定「快餐」A, 有雞扒公仔麵, 火腿奄列 (亦可選蘑菇奄列) + 多士, 及熱奶茶一杯.先嚟熱奶茶, 色水幾「茶」, 飲落奶味茶味就約 6:4, 幾滑溜, 但唔夠熱, 幾掃興的. 雞扒公仔麵就係穩穩陣陣之選: 麵底係福麵, 淥得幾爽口, MSG 湯底唔會太鹹, 不過我又覺得淡得滯 ; 雞扒就煎得唔算油膩, 食落皮帶點脆及鹹, 肉夠嫩滑, 其實都幾難唔好食?火腿奄列就唔知點解加了罐頭粟米 蛋炒得夠滑, 有點蛋汁, 不過唔多夠香, 同區還是華星 (http://www.openrice.com/restaurant/commentdetail.htm?commentid=2060390) 好. 薄薄的油多都叫及格, 雖然麵包幾唔新鮮, 牛油又落得唔夠, 但起碼烘得微燶, 食落都叫帶點脆, 算啦.朋友食 B 餐, 有餐肉腸仔麵, 奶油厚多士及熱奶茶一杯, 今次無試了, 不過據聞賣相麻麻的奶油厚多士食味亦好唔掂, 朋友話麵包
收工又趕「下場」, 又得返 30 分鐘食飯, 嚟到最就腳的呢間茶記搞掂, 還掂朋友推介呢度奶油多「好好食」. 胃口不大, 只簡單叫了唔知「特餐」定「快餐」A, 有雞扒公仔麵, 火腿奄列 (亦可選蘑菇奄列) + 多士, 及熱奶茶一杯.
先嚟熱奶茶, 色水幾「茶」, 飲落奶味茶味就約 6:4, 幾滑溜, 但唔夠熱, 幾掃興的.
雞扒公仔麵就係穩穩陣陣之選: 麵底係福麵, 淥得幾爽口, MSG 湯底唔會太鹹, 不過我又覺得淡得滯 ; 雞扒就煎得唔算油膩, 食落皮帶點脆及鹹, 肉夠嫩滑, 其實都幾難唔好食?
火腿奄列就唔知點解加了罐頭粟米 蛋炒得夠滑, 有點蛋汁, 不過唔多夠香, 同區還是華星 (http://www.openrice.com/restaurant/commentdetail.htm?commentid=2060390) 好.
薄薄的油多都叫及格, 雖然麵包幾唔新鮮, 牛油又落得唔夠, 但起碼烘得微燶, 食落都叫帶點脆, 算啦.
朋友食 B 餐, 有餐肉腸仔麵, 奶油厚多士及熱奶茶一杯, 今次無試了, 不過據聞賣相麻麻的奶油厚多士食味亦好唔掂, 朋友話麵包唔新鮮之餘仲要烘唔夠又唔熱, 搞到 d 牛油同煉奶「漿」成一 pat, 聽落幾嚇人...
環境乾淨光猛, 仲有電視睇, 不過我哋食完就匆匆忙忙鬆人, 其他嘢唔理咁多了.
每人放低 $28, 雖然簡單唔一定就是美, 但起碼唔會死錯人吧, 一試無妨的.
張貼
