蘇媽.蘇媽馬來西亞茶餐室

營業中

休息中

星期五放工去咗旺角買嘢，順便去食好耐冇食過嘅蘇媽蘇媽，好掛住嗰個老鼠粉😆招牌砂煲老鼠粉 $88呢個老鼠粉一上枱即刻撈勻生雞蛋同埋肉碎、脆脆炸魚仔、蔥花、炸蒜各種配料，用砂煲嘅熱力爆炸幾下真係香噴噴，老鼠粉好入味好惹味，雖然材料簡單，但係味道好好，而且幾香口。辣死你嗎配烤雞髀 $68睇到個名驚咗，以為會到噴火，所以揀咗醬汁另上，點知又估佢唔到喎，我覺得又唔算好辣喎。原來係參巴醬，幾濃味惹味，用嚟配個椰汁斑蘭飯再加啲炸花生同埋炸魚仔好好食。烤雞髀好香口，雞皮烤得好香，雞皮少少油滋滋嘅感覺配埋啖啖肉嘅嫩嫩雞髀肉好好味。