Al Dente (已結業)

今日同大王出城，黎到灣仔轉轉口味，食吓西餐。間餐廳好似好full booking咁，我book咗8點，7點9已經打兩次黎confirm我係咪黎，當然我地都準時到達。見到有個 dinner set，不過心多多既大王都係散叫。頭盤叫咗焗磨菇，有啲蕃薯同cheese係面，好味。叫咗個意大利雲吞，上次想食冇食到﹐今次補番，不過個汁太咸，食完再飲杯酒都冇味。再黎係蛤肉意粉，意粉真係 al dente，個汁都好味，自己要努力學習吓先得。跟住要多個rib eye steak，呢個普通啲，冇特色。總括黎講，意粉係最好，黎食意粉已經好滿足。