Pom's Diner (已易手)

今日過開佐敦做野，做完野勁肚餓，同同事隨意入咗呢間餐廳食飯！午飯既時間都幾多人，但好彩仲有2人位。間餐廳既裝飾好簡單，但就用咗唔同既圖案瓷磚去佈置。我好鐘意呢啲圖案😊咁好既環境，我相信食咩都係會加分既。我哋2個都好肚餓，一齊叫咗2個Set lunch，包餐湯，包飲品，仲要唔使加一，加加埋埋每人約五十蚊。飲湯係雜菜湯，味道唔錯好清甜，料又多。我哋好快就飲完一碗，因為我哋真係好肚餓，哈哈！飲完湯一陣，我哋叫既白汁碎蛋蝦肉法飽配黑醒沙律薯條&BBQ烤豬墨西哥卷配黑醒沙律薯條就到啦！賣相超級引！蝦肉法包好正！個飽食落係比較軟身啲，蝦肉爽脆鮮甜，加埋碎蛋既香，簡直係prefect match! 因口感同味道都好豐富。