忠孝東路

營業中

休息中

好掛住忠孝東路嘅牛肉麵，今日做完facial專登過嚟醫肚。每次必叫嘅生果茶，茶味清新唔苦澀，配上果汁同大量生果，令人充滿元氣！最欣賞佢用嘅唔係普通嘅冰，係用橙汁雪成冰，即使溶化都唔會沖淡味道。每次嚟必食牛肉麵，雖然份量唔多，但紅燒湯底非常濃郁，配上軟腍入味嘅牛𦟌同口感彈牙嘅麵底，配搭天衣無縫，其實食一碗都唔太夠喉。擔仔麵細細碗，係我每次唔夠飽時必叫，湯底係鮮濃嘅肉汁，雖然材料簡單，只有肉碎同鮮蝦，但簡單美好嘅味道總係令人回味。