閨•家 (寶榮大廈) (已結業)

餐廳既食品主打健康養生，有特色又美味。花雕醉雞波菜麵$45波菜麵第一次食好過癮，感覺健康又新鮮。麵條每條都打得非常幼細，有嚼勁，真係好好味。醉雞大大嚿好多肉，雞肉吸收了花雕的酒香味，正。慢煮豬軟骨飯$48激讚，從未食過咁稔咁嫩，仲要咁入味嘅豬軟骨，個汁可以送到成碗飯🤤嗌飯餐仲會跟個細盎嘅是日靚湯，非常抵食。一至日推出嘅靚湯都唔一樣，今日星期五係《五指毛桃淮山煲雞》$28 一大盎，足料又好味，啱晒我呢啲經常出街唔夠湯水嘅人滋潤一番。手拍青瓜$28手拍青瓜係我最愛嘅涼拌之一，爽口清涼又開胃，仲鋪滿蒜粒同辣椒油，食落好過癮。