極上龍吟海鮮丼專門店 (已結業)

香港物價愈嚟愈貴，平既野食已經買少見少，呢間小店食物價錢就相當合理。拉麵價格便宜，唔似出面既名店，一碗拉麵都要一百幾二百蚊。帶子拉麵麵質有啲淋，系連鎖店既質素，湯底豬骨味亦偏淡，但配料幾豐富，帶子海帶粟米都有。帶子大粒，唔會淡而無味。小食方面，點左一客羊架。羊架肉質鬆軟，唔會太乾，少少羊so味，唔錯。炸雞連皮炸，炸漿薄，脆度還可以，雞肉嫩滑，帶點黑椒香氣。總結嚟講，平靚正從來都罕見，平而質素可以已是不錯。