瑞士咖啡室 (已結業)

今日時間緊逼，晚餐諗住搵間茶餐廳食就算，於是黎左瑞士咖啡室！無黎一排，佢既餐牌唔同左，多左選擇！中湯係合掌瓜蘿蔔豬骨湯，有好多湯料，大大碗，但比較油膩，所以都無飲曬！火山蒸肉餅餐 $68呢個係瑞士咖啡室既名菜！滑溜既蒸蛋，中間係肉餅，加埋個鹹蛋黃，送飯一流，最好兩個人share，一個人食有d漏！唯一挑剔既係佢既肉餅頗多肥豬肉，同埋叫得呢個送，一定預左要等，當日我就等左足足30分鐘！如果趕時間，就唔建議試呢一個！