雲蝶 (已結業)

大圍除咗屋子咖啡呢啲出名Cafe之外，最近都開咗一間新嘅小型cafe，由一對90後年輕夫妻經營，店名「雲蝶」食字於cafe位於屋苑雲疊花園。雖然空間唔算太大入邊只有十多個座位，但充滿簡約風格，食物經濟又好食，以簡單輕食為主，大家都可以分散支持下黃店💛不過餐廳主要用紙盒紙杯膠餐具等即棄用具，所以唔太建議環保撚去😂👓羅勒醬烤雞意粉 $68 (午餐時段送柚子蜜/柑桔蜜，但凍柚子蜜非常淡味溝得太多水，反而熱柚子蜜夠味幾好)青醬略為鹹左少少，不過係好濃味夠味。烤雞好大塊，小編平時係唔食雞皮但今次個皮烘到紙咁薄令不知覺連雞肉食埋😂計分：7/10👓吞拿魚碎蛋薯蓉 $38薯蓉每日用新鮮薯仔做，加上牛奶牛油吞拿魚碎蛋而成，再放入甜筒。薯蓉creamy滑身，吞拿魚味出，加上有碎蛋和粟米平衡下令薯蓉冇廿漏。 甜筒殼脆卜卜撈埋薯蓉食多份脆口幾得意。計分：7.5/10👓炸oreo配雲呢拿雪糕 $30即叫即炸所以熱辣辣，起初以為會好奇怪，但食落似oreo餡料嘅小泡芙，粉漿吾會太厚同油膩。雖然雲呢拿雪糕只係一個好普通的雪糕球，但撈埋雪糕凍冰冰食一流😋計分：7/10