古早味台灣原味 (已結業)

小弟一尚都好鐘意去台灣食當地既街頭小食同小菜，可惜近期實在太忙，無得出外走走，唯有係香港搵間台灣野食下，近年香港都開左唔少標榜台灣地道古早味既小食店，不過出品有高有低，哩間古早味其實都開左一排，但朋友食過既評價都不差，咁岩銅鑼灣又有，所以就試下門口大大個古早味三個字，唔怕搵唔到！進店走廊既裝修都幾型，咁岩仲見到水吧師傅係度整野飲餐牌圖文並茂，簡單易明，淨係台式飲品都兩版，價錢相比出門d手搖店，算係實惠紫薯黑糖鮮奶 - 紫薯同黑糖味道相配，甜度順口，配搭鮮奶又不會滯身宜蘭蔥餡餅 - 哩個必點！一碟四個，個頭不大，好岩做前菜，入面餡料新鮮，韮菜味好濃，仲要爆汁！五味雞 - 一雞五味，有齊甜酸麻辣咸，相當有趣滷肉飯 - 肉係帶皮肥瘦相連，滷得夠時間，所以有油香得泥唔會滯菜脯煎蛋 - 蛋煎得蓬鬆，菜脯咸香上湯白菜仔 - 湯頭簡單清淡，菇絲香味足，白菜不苦亦不過腍