小安南越南河粉 (已結業)

樣樣都想試, 一於嚟個火車頭湯河. 有牛肉, 牛丸, 扎肉同雞絲. 一開始又係試下個湯底先, 雖然唔係太濃味, 但至少唔鹹,唔會食完之後好口渴. 餐廳提供嘅肉類係嚟自美國或巴西, 啲牛肉夠嫩, 最怕浸下湯之後會好’鞋口’. 晚餐時段, 可以以優惠價另加小食.越南春卷皮薄料足, 香矛雞翼就非常香口但唔會好油膩. 兩款都要趁熱食呀. 再嚟真係要提下個特飲: 蜜糖薑鮮檸茶! 薑味濃, 係因為每啖都飲到’薑蓉’. 三樣材料配埋紅茶, 好夾, 好味.