J’s Bistro (已結業)

.睇完電影行完D2，發現開左間小店，應該係新開既，價錢又唔算好貴，所以決定試試佢。佢地係半自助形式的，客人可以自己去拎冷熱水飲，同埋餐具、手套等等，宜家好似越來越多小店都用呢個自助方法lu.....半隻烤春雞套餐 ($118)碟雞上台既第一秒我地就「嘩」左一聲，下一秒就係心諗...咁大件既?!早知叫1/4隻雞好了。個烤雞烤到熱辣辣，好香呀...同埋個烤雞皮係烤到剛好，是脆脆地既，雞肉就好多汁同啲肉都好滑，連雞胸部分都唔會太"鞋"口。半條燒烤杜洛克豬仔背骨套餐 ($118)呢個豬仔骨都幾出色，醬汁既味道好濃郁好惹味。肉質既口感有點硬身，需要嚼耐一點點。意式蔬菜濃湯 (跟餐)呢個意式蔬菜濃湯，我以為只係得蔬菜，點知原來超足料的，有埋通粉係入面既湯，就比較少見了。個湯因為太足料，而且味道幾好，好易唔小心就吃飽了。細胃姐要小心點喇!!雙配菜套餐 ($56) 釀蘑菇、羽衣甘藍蕃薯沙律叫左套餐的話，可以加錢配小食的，叫雙配菜就只係加$56。釀蘑菇既口感好得意，一口一粒，滿滿既芝士味同蘑菇味係口入面爆發，真係好正。羽衣甘藍蕃薯沙律就屬於一般般，無咩太大驚喜。