影片
更多
2022-09-26
1289 瀏覽
又到咗一星期嘅上課日，上堂前當然要去食個自私飯😌近近哋去咗金鐘廊Lab Concept行咗個圈，時間早難得simplylife 唔洗排隊就入咗去。(因為以前去開太古分店，太古城中心真係食乜都要排，6點開始晚飯，5:30已經要排定，排演唱會飛咁🤦🏻♀️)餐廳晚餐有好多選擇，有成14款，仲有All Day breakfast，不過今次揀咗意粉。Handmade Tagliatelle with Slow Cooked Meat Ragù ($125)慢煮肉碎手製闊條麵我加咗 $30 升級套餐，有沙律或湯，同一杯飲品。餐前會有2片麵包，係 sour dough 🥖套餐我揀咗沙律，沙律上面係水果，下面係蔬菜。有青蘋果、橙、紫椰菜、火箭菜同生菜。餐飲除咗一般嘅咖啡、菜，仲可以揀冰茶。每日都會有唔同味道，落單嘅時候可以問職員。今日係蘋果芒果茶，唔太甜，飲到淡淡嘅茶香同果香。沙律食到一半，香噴噴嘅主菜就到了🍝😋意粉上面有芝士片，闊條麵係手製意粉，好彈牙，肉粒份量多，每一啖都可以食到肉粒😋😋肉粒好入味，意粉同樣吸到肉汁，但濃味得黎，又唔會覺得太鹹，唔會好膩🥰到達嘅時候，大約係6點正，餐廳入面只有3～4
近近哋去咗金鐘廊Lab Concept行咗個圈，時間早難得simplylife 唔洗排隊就入咗去。
(因為以前去開太古分店，太古城中心真係食乜都要排，6點開始晚飯，5:30已經要排定，排演唱會飛咁🤦🏻♀️)
餐廳晚餐有好多選擇，有成14款，仲有All Day breakfast，不過今次揀咗意粉。
Handmade Tagliatelle with Slow Cooked Meat Ragù ($125)慢煮肉碎手製闊條麵
我加咗 $30 升級套餐，有沙律或湯，同一杯飲品。
餐前會有2片麵包，係 sour dough 🥖
套餐我揀咗沙律，沙律上面係水果，下面係蔬菜。有青蘋果、橙、紫椰菜、火箭菜同生菜。
餐飲除咗一般嘅咖啡、菜，仲可以揀冰茶。
每日都會有唔同味道，落單嘅時候可以問職員。今日係蘋果芒果茶，唔太甜，飲到淡淡嘅茶香同果香。
沙律食到一半，香噴噴嘅主菜就到了🍝😋
意粉上面有芝士片，闊條麵係手製意粉，好彈牙，肉粒份量多，每一啖都可以食到肉粒😋😋肉粒好入味，意粉同樣吸到肉汁，但濃味得黎，又唔會覺得太鹹，唔會好膩🥰
到達嘅時候，大約係6點正，餐廳入面只有3～4枱客人，可以靜靜咁享受自私晚餐，職員仲俾我自己揀位😆
職員好有禮貌，因為貪心升級做套餐，所以前菜有好多食物要食，而主菜大約係前菜食到一半左右就會到，可能係客人比較少嘅關係，所以上菜速度都好快。如果唔想主菜放涼，就要加快速度🤣
張貼
