合利潮洲粉麵

營業中

休息中

近來四處吃喝食得太多，感覺飽飽滯滯，是日上完堂，喺附近隨便食碗粉做晚餐。星期六六點幾去到有三兩個客人，Menu排版一般，花咗少少時間睇，仲一度懷疑自己有閱讀障礙，好彩之後見到一對年輕情侣同樣有疑問，先放心啲哈哈。魚皮餃米/ 墨丸米 $30兩碗麵來到顏色偏白，老實講唔算吸引。無期望底下係有啲驚喜：湯底雖然無色但夠味，墨魚丸大大粒，爽口彈牙；魚皮餃唔腥唔肥膩，真材實料。加碟油菜，食完唔口渴，以質素嚟講價錢佛心，簡單輕食之選。