La Postre (已結業)

中環美食林立，但好食的西班牙餐廳唔多 。今晚朋友帶我去了近中環九記牛腩的一間西班牙餐廳。環景舒服，是約三五知己食飯聚會的好地方。我地點了以下的餐。檸檬蜜糖單骨雞翼～～外面甜甜的蜜糖味，帶少少檸檬酸酸味道，肉嫩，加了小小香草點綴一下。平時食雞翼時比較麻煩，但現在厨師切開變成單骨，就方便好多。牛油果刺身～～有紫椰菜絲，青椒，黃椒，紅椒粒,青瓜，芝士粉，辣粉，醬油做裝飾及配菜，而主角牛油果切條放面，睇到已經好靚，食時又特別，好有flash的感覺。這個菜好適合食素的人士。西班牙海鮮飯~~2人份量以，有青口，蜆，大蝦及西班牙煙肉，海鮮一向是我的最愛，但個飯比海鮮更加特出，辣辣地，飯粒煙韌有咬口，仲吸收了海鮮的鮮甜味，非常之“正”。我食了一大半有多。我同朋友各點左一杯青檸蜜桃沙冰~~面頭放了一幾片薄荷葉飾裝飾，再加上幾大片桃肉在沙冰上，而沙冰飲時有淡淡的檸檬及桃味。在炎炎的夏日下，非常之透心涼，又可以降大温。是晚與朋友飲飽食醉，又可暢談一整晚。真的開心。