ENVY Restaurant & Bar (已結業)

一間簡單得嚟又好型格嘅餐廳，店舖雖細但坐得幾舒服，外牆的彩色磚令我印象最深刻。來之前已經訂左位，入到去坐低，先試Chardonnay白酒，跟住再試其他唔同既日本酒，呢度有好多不同的日本酒同Gin，平時一般飲的House Wine都係冇什麼特別驚喜，House Wine出Reserva 比較小見同有誠意！先來個前菜鬼瓜螺，出面少之又少，呢度竟然可以食到，真係冇唸過，驚喜。再來個濃味海鮮湯，味道真係好濃好鮮甜，用料好豐富。跟住就係油淋馬頭魚，外皮好脆，內裏肉質鮮嫩，啖啖肉。然後就係最期待既斑蘭鹽焗雞，雖然已經預訂，但相信做法相當繁複，因為等呢度菜等咗好耐，成隻金黃色的鹽焗雞活現眼前，流哂口水，肉質好有彈性同好香， 非常難得。甜品係清酒雪糕，味道非常討好。呢間店主要做Tasting Menu，份量唔算大但剛好， 亦可以散叫，小店無論由裝修到食品都充滿創意同心思，店主亦同我講Menu會不定時更換，睇得出店主同廚師都花左好多時間同心機係裡面，亦可以品嘗到廚師最拿手同時令嘅食物 ，實在好有驚喜。