大快活

營業中

休息中

平日放飯時間，諗住去就近的大快活解決午飯。我叫咗個豬扒雞扒飯，餐飲揀咗凍可樂。豬扒雞扒飯煎得都算Ok, 不過不失啦，份量就將價就貨，薄切，刀都唔洗用就切得開。但白飯嘅份量真係太少喇，食兩啖就無晒，食完都唔夠飽，唉。配菜有啲椰菜，白炙嘅，無咩味，啲豆仲有啲乾身。凍可樂淡而無味，應該係溝咗水，再加超多冰。埋單$41，只可以話中環食飯咁貴，想平平地簡簡單單填飽個肚就算，大快活快餐係性價比幾高嘅，勉勉強強都收貨。