夏雪 (已結業)

以為自己專登請假可以慢慢hea 下cafe , 估唔到星期五嘅大圍咁熱鬧，好多cafe 酒樓都要等位。呢間小店啱啱有一張枱，呢間cafe 嘅裝修我好鍾意，雖然細間，但傢俬係訂造，擺位好好，枱唔會太密，感覺好整齊簡潔，自己出去點餐，職員送餐，menu 選擇唔多，無粉麵飯嘅，主要係輕食，點 all day breakfast 同窩夫可半價享用咖啡。呢間主要食窩夫嘅，我地兩個人點咗三個窩夫😂😂。鹹食自選兩款80蚊，三款90蚊，配兩件窩夫加沙律，我本身麻麻沙律所以走沙律，鹹食要咗大啡菇同鴨胸，全部即叫即整，熱辣辣，鴨胸好高質，厚切，嫩滑，味濃。甜食當然揀我最愛嘅抹茶，配一個雪糕球，2粒麻薯同紅豆，窩夫微脆，對我嚟講脆啲更好，紅豆好味，不過偏甜。咖啡麻麻