翡翠拉麵小籠包 (已結業)

收工八點鍾同女朋友去攞位，等半粒鍾。無問題，我明白晚市係多人食飯要等位。 八點半入座，叫左兩碗拉麵，三份小食。 好快已有兩份小食已經到左我地面前，咁都係食左野先。已經專登慢慢食，希望捱到拉麵到。 十分鍾後第三份小食都到，麵就未見。等麵途中，我地未有開動第三份小食。一等又等多十分鍾，我見唔對路，就叫呀姐幫我追追碗麵。 大佬前後二十分鍾，你地煮麵逐條煮? 追左一次，我碗麵在五分鍾之後到。但我都係無開動，想等女朋友碗麵一齊到先食。五分鍾又過，我開始唔耐煩，叫職員幫我追一追。點不知都係 敷衍了事，答我煮緊好快有，就係咁又過十分鍾 。我同女朋友忍唔到了，決定離開唔食。(未埋單)我預左佢會追出黎，追出黎攞住張單有五份菜，叫我返入去比錢(全程好似佢岩哂) 入到去仲同我講有咩未到(唔識自己睇) 我野都唔食等你一個拉麵，你老尾對唔住都唔講一句。 後尾取消左3份菜。走果陣都係無講一句道歉。 垃圾，浪費足足一個鍾頭。