たまご園 (奧海城二期)

營業中

休息中

相信好多西九龍區嘅朋友都同我一樣，最近多咗嚟奧海城食飯行街，因為 2022 世界盃嘛，呢度有得現場直播，有個超級大電視，商場嘅中庭仲有一個好大嘅地方，畀人坐喺度睇波，睇波當然要搵嘢食，奧海城食肆都唔少。今次就同朋友嚟咗呢間，主打食雞蛋嘅連鎖店，好多地區都有分店嘅，之前都食過幾次印像都唔錯。今次點咗燴雞肉蛋包飯（$88）雞肉都整得幾嫩滑，另外又點咗滑蛋鰻魚飯（$118）鰻魚都幾肥美，另外佢嗰個 5 款玉子燒都幾好食㗎，不過今日得兩個人食唔到咁多嘢所以就冇點到，平時如果三四個朋友就一定會叫，另外佢啲甜品都整得幾靚嘅。