日本野 (已結業)

又到每個星期最少一次嘅食好西時間。今日去咗旺角銀城商場9樓“日本嘢“食日本嘢。 今晚嘅食物都係set menu到揀出嚟。 先拔頭籌有和風柚子雞翼$58。 雞翼十分之大隻，有勁多嘅柚子醬 ，雞肉炸到外脆 ，但係雞肉依然鮮嫩，淋上柚子汁可以中和炸嘅油膩感，十分出色 。 然之後仲有一個刺身拼盤。分別有三文魚，北芪貝，甜蝦同埋八爪魚。$88有四樣嘢，食性價比很不錯 。 另外我哋仲嗌咗一個芝士年糕 $28。同樣地外脆內，軟韌韌嘅口感加上熱辣辣嘅芝士 ，幸福感十足。 重頭戲來了，分別有精選角切魚生丼$158同埋蒲燒鰻魚定食$128。 魚生丼海量嘅蟹子 ，玉子蛋嘅份量都好多，鮮鮮甜甜， 攪拌後配襯上日本米做嘅醋飯 ，食得飽肚得亦唔會覺得好肥膩。然之後到鰻魚定食， 會跟一隻溫泉蛋同一份細細嘅蟹子沙律。 我哋選擇咗用溫泉蛋去撈飯，加少少鰻魚汁 ，撈完之後簡直可以食到兩大碗飯。 鰻魚嘅份量亦都好充足， 肉質都幾肥美。 整體嚟講呢間日本嘢嘅質素很不錯，食物 選擇都幾多 ，而且服務員嘅態度都幾殷勤，不錯不錯。