名悅點心 (已結業)

加班完，在家附近正式試下這間點心，開業好耐都無幫襯過，上一次試過買蒸飯外賣，愛人食過都話好食，所以，我地今晚決定要認真坐低試一試。愛人都係食佢最愛的北菇滑雞荷葉蒸飯，緊係同連鎖店無得比，佢都話好食！我呢就試左蒜蓉海蝦陳村粉，因為好想知陳村粉係咩野，大約都有6隻海蝦開邊，好多蒜蓉加點豉油，好入味呀！呢個蒸陳村粉又唔算太貴，絕對會再幫襯。