Fauchon Paris Le Café (已結業)

朋友在 eatigo 訂座，a la carte 食品有 50% off，所以就選定呢間餐廳。 我覺得呢度座位較狹窄，而且單點食品不多，重點係無意粉😢Anyway 頭盤揀咗蟹肉醬伴麵包，蟹肉醬比較杰身但好香噴噴，如果麵包分量多d會更好。 主菜選上和牛 risotto 及鮮蝦帶子。對女士而言，份量還算可以的，但味道可以重一點點，反而配菜的忌廉菠菜較為出色。 食咗咁耐，甜品才是重點，所以 2 個人 3 個甜品是正常吧！開心果白朱古力及檸檬雲呢拿 puff 酸味味得嚟幾醒胃，另外 signature 的 raspberry eclair 亦無令我地失望。