澳門丸記清湯腩王 (已搬遷) 新店位置

有時收工想食得簡單啲，但同時都要有質素👍🏻一碗粉麵看似簡單，但要煮得好食都唔容易。雖然只係一間粉麵鋪，但重新裝修之後，光猛咗又增添年輕嘅感覺。🔸海南雞飯 $𝟓𝟑好鍾意食海南雞飯嘅我😋去到邊只要有海南雞飯都會點。呢度嘅海南雞飯好大碟！海南雞唔會太油，而且好入味🐔份量都幾夠，仲會跟兩個醬汁，其中綠色嘅秘汁醬汁酸酸地幾開胃😋不過雞油飯略嫌有點乾，但好大碗，好夠男士食👍🏻食到最尾，隔離枱同樣點咗海南雞飯嘅男士，突然問侍應係咪有個湯跟埋🙃我先如夢初醒…如果有湯跟埋就更加好，可以解決飯太乾嘅問題。🔸清湯牛腩河+牛丸 $𝟒𝟖+$𝟏𝟎嚟到清湯腩王唔係唔試佢嘅牛腩呀🤤原來呢度嘅牛腩係三代相傳嘅家傳手藝，質素保證！湯底幾清甜，唔會太油膩。牛腩炆到軟淋淋，肥瘦均勻，咬落唔會乾柴😋運個河粉都好出色，夠彈牙唔會斷開一截截❕而牛丸都唔錯，夠哂彈牙唔會太硬。🔸酥炸鮮蝦雲吞 $𝟐𝟓小食方面叫咗炸雲吞😋平時好少食呢啲，怕太油膩。但上枱見到炸到金黃色嘅小雲吞，忍唔住試咗舊🥟望落冇油光，咬落脆卜卜，更加唔油膩，啖啖蝦肉幾新鮮，冇雪味🦐