東京築地拉麵 (已結業)

終於搞掂手頭上嘅工作，好攰呀，又係時候搵嘢食，天氣咁熱都冇乜胃口食飯，喺屯門時代廣場見到呢間拉麵，啱晒啦！魚介沾麵，估唔到沾麵都有咁大件叉燒，叉燒係半肥瘦，一行瘦肉一行脂肪，加上表面燒過，食落好香口，一啖咬落去柔軟嘅脂肪融入口，好味味！黃金濃厚豚骨湯叉燒拉麵，湯底都唔錯，有兩大塊叉燒，拉麵食落都彈。海鹽枝豆，我都幾鍾意食枝豆，海鹽份量啱啱好唔會過鹹。日式柚子茶，食完拉麵飲番個柚子茶解膩。蘆薈提子梳打冰，食提子梳打好涼快，加上仲有粒粒蘆薈，爽！