影片
更多
2020-02-03
408 瀏覽
一日之間 #荃灣 #黃店 💛💛💛難得去到南豐紗廠，梗係要試吓佢哋入面嘅Cafe☕️當日試咗好幾間，打響頭炮嘅係呢間日系Cafe，餐廳主要用木色同埋白色為主🌳好明顯落足心機裝修，入面仲有售賣一啲日系衣服！ Cafe嘅食物選擇唔算好多，主要有四個all day meal，特別之處係佢每一道菜都係唔同地方嘅特色，另外仲有少少甜品🍰同埋飲品☕️。韓式高麗菜炒五花腩定食🐷$88成個感覺好簡單，有種住家菜嘅味道。幾鍾意佢個五花腩，調味做得好好，我唔係太鍾意啲好酸嘅泡菜味，但呢一個唔酸，鹹鹹地辣辣地咁幾惹味，配飯真係一流！另外仲配一隻太陽蛋🍳同埋南瓜蓉🥧。煎太陽蛋其實好考功力，佢哋能夠煎到個底微微窿，幾香口，面頭就依然有啲生，都算幾出色。另外佢個南瓜蓉幾香甜。整體來講雖然貌似簡單，但都食得幾滿足。味道: 3.9/5性價比: 4/5咖喱雞腿肉沙律三文治🐔$68 + $10轉bagel🥯雖然話係咖喱，但係一啲都唔辣，唔知大家有冇食過英國一種都幾常見嘅雞，叫coronation chicken，主要係用提子乾、蛋黃醬而成，味道甜甜地咁，有少少似葡汁，今次呢個雞肉就令我諗起呢隻調味，雞肉當中亦都有提子乾，甜甜地
難得去到南豐紗廠，梗係要試吓佢哋入面嘅Cafe☕️當日試咗好幾間，打響頭炮嘅係呢間日系Cafe，餐廳主要用木色同埋白色為主🌳好明顯落足心機裝修，入面仲有售賣一啲日系衣服！ Cafe嘅食物選擇唔算好多，主要有四個all day meal，特別之處係佢每一道菜都係唔同地方嘅特色，另外仲有少少甜品🍰同埋飲品☕️。
韓式高麗菜炒五花腩定食🐷$88
成個感覺好簡單，有種住家菜嘅味道。幾鍾意佢個五花腩，調味做得好好，我唔係太鍾意啲好酸嘅泡菜味，但呢一個唔酸，鹹鹹地辣辣地咁幾惹味，配飯真係一流！另外仲配一隻太陽蛋🍳同埋南瓜蓉🥧。煎太陽蛋其實好考功力，佢哋能夠煎到個底微微窿，幾香口，面頭就依然有啲生，都算幾出色。另外佢個南瓜蓉幾香甜。整體來講雖然貌似簡單，但都食得幾滿足。
味道: 3.9/5
性價比: 4/5
咖喱雞腿肉沙律三文治🐔$68 + $10轉bagel🥯
雖然話係咖喱，但係一啲都唔辣，唔知大家有冇食過英國一種都幾常見嘅雞，叫coronation chicken，主要係用提子乾、蛋黃醬而成，味道甜甜地咁，有少少似葡汁，今次呢個雞肉就令我諗起呢隻調味，雞肉當中亦都有提子乾，甜甜地味道唔算太濃，而且雞肉都幾乾身，感覺幾健康。
另外加咗$10轉左個伯爵茶bagel🥯係佢哋自家製嘅bagel，味道都算幾突出，好香伯爵茶，而且仲散發陣陣嘅甜味，非常特別。佢哋烘到個bagel外脆內韌，口感未係我最鍾意嗰種，如果可以冇咁乾身就更好。
味道: 3.8/5
性價比: 4/5
整體來講餐廳行簡約風，無論係裝修定係食物都係簡簡單單，有種住家飯嘅感覺🏡味道未算好驚豔，但係帶種溫暖嘅感覺。而且呢一間Cafe唔算多人，舒舒服服同朋友傾吓計咁坐一日都幾好，但如果你當日係想來食好好味嘅嘢，咁可以試吓其他Cafe。
20 瀏覽
0 讚好
0 留言
韓式高麗菜炒五花腩定食
$88
64 瀏覽
0 讚好
0 留言
咖喱雞腿肉沙律三文治轉bagel
$78
68 瀏覽
0 讚好
0 留言
張貼
