打邊爐海鮮火鍋燒烤店 (已結業)

我知自己鍾意食濃味，清淡唔係唔鍾意，只係如果有得揀，會揀左濃味先！但成日食濃味，都想轉下清淡，於是乎約埋女友試下哩間餐廳打邊爐！發現哩間火鍋店只因經常去佢鋪頭對面部恆生提款機撳錢，從門口望入去，幾乾淨喎，感覺唔錯。由於想食淡d，所以叫左半份胡椒豬肚雞煲做打邊爐湯底，打邊爐叫左午餐肉，手打四寶丸，生菜，響鈴，墨魚滑，水餃，黑豚肉，最想叫鵝腸可惜無貨。落單時，係張過左膠嘅餐單上打個圈就得！用完抹乾淨又可以繼續用，夠環保！讚！初時試左一啖湯底，湯底清甜唔夠胡椒味，但煲耐d，胡椒味開始出，味道開始正！配料方面，除左響鈴冧左少少之外，墨魚滑，手打四寶丸，水餃同生菜都好新鮮，滿意！最后想講餐廳門口可以泊車，夠方便。