影片
更多
2021-05-24
252 瀏覽
周不時都會有去荃灣行下街嘅習慣，特別係有天橋連接同大型百貨品牌進駐後，可謂係消遣時間嘅一大好去處。如心廣場近年開多咗好多餐廳，有機會都想逐間逐間試吓，今次揀咗間睇落裝修乾淨舒服嘅台式餐廳。稍稍望吓餐牌，套餐價錢相當親民，更唔收加一，基本唔使猶豫就決心入座一試。鳳梨蝦球套餐 $80一人套餐除咗主菜，另外包括白飯、湯或甜品。蝦球炸衣同想像中略有不同，唔用坊間常見嘅吉列炸法，反以平日台式小食炸鹽酥雞嘅油炸方式處理。鹽酥雞油份不多，口感乾爽，蝦肉彈牙。面層加上蛋黃醬，特別開胃。滷肉飯一場嚟到食台式菜，當然要食地道啲，所以專登選擇加$10將白飯轉為滷肉飯。滷肉脂肪肥瘦均稱，份量適中，頗有光澤。如果滷肉調味再鹹少少就更好，現時味道略顯寡淡。青檸愛玉凍隨套餐附送嘅甜品，微涼嘅愛玉透出淡淡青檸味，入口滑溜。個人而言鍾意冰涼感強啲嘅甜品，呢款尚算不過不失之作。凍芋香珍珠奶茶 (套餐價:$14)芋香珍奶絕對係必試飲品，奶茶中嘅芋頭香氣夠濃郁，但不至於膩胃。配上煙韌珍珠，真係想瘋狂encore。炸花枝丸 $26面層撒上少許胡椒粉嘅花枝丸，入口惹味帶鹹香，送飯一流。滷味拼盤 $68為咗飽肚啲，另外加咗碟滷味拼
如心廣場近年開多咗好多餐廳，有機會都想逐間逐間試吓，今次揀咗間睇落裝修乾淨舒服嘅台式餐廳。稍稍望吓餐牌，套餐價錢相當親民，更唔收加一，基本唔使猶豫就決心入座一試。
鳳梨蝦球套餐 $80
一人套餐除咗主菜，另外包括白飯、湯或甜品。蝦球炸衣同想像中略有不同，唔用坊間常見嘅吉列炸法，反以平日台式小食炸鹽酥雞嘅油炸方式處理。鹽酥雞油份不多，口感乾爽，蝦肉彈牙。面層加上蛋黃醬，特別開胃。
滷肉飯
一場嚟到食台式菜，當然要食地道啲，所以專登選擇加$10將白飯轉為滷肉飯。滷肉脂肪肥瘦均稱，份量適中，頗有光澤。如果滷肉調味再鹹少少就更好，現時味道略顯寡淡。
青檸愛玉凍
隨套餐附送嘅甜品，微涼嘅愛玉透出淡淡青檸味，入口滑溜。個人而言鍾意冰涼感強啲嘅甜品，呢款尚算不過不失之作。
凍芋香珍珠奶茶 (套餐價:$14)
芋香珍奶絕對係必試飲品，奶茶中嘅芋頭香氣夠濃郁，但不至於膩胃。配上煙韌珍珠，真係想瘋狂encore。
炸花枝丸 $26
面層撒上少許胡椒粉嘅花枝丸，入口惹味帶鹹香，送飯一流。
滷味拼盤 $68
為咗飽肚啲，另外加咗碟滷味拼盤。內有豆腐、牛筋、雞翼同滷水蛋，一次過滿足四個願望。個人較欣賞牛筋同滷水蛋，前者口感腍軟，後者滷得入味。
張貼
