The BASE nature (已結業)

餐廳以大自然為主題，木色枱櫈，加入綠葉佈置，入到去就如置身係大自然，長條形嘅半開放空間，氣氛休閑，加上坐位開揚，坐得舒服。餐廳提供沙律、扒類、意粉、意大利飯、套餐等等。今次叫左兩個小食及兩個主食，主食可以加$38轉set，湯或沙津同飲品。百香果梳打熱情果糖漿加梳打水調配而成，酸酸甜甜，入口清香，百香果香味充滿口腔，十分清新。紫薯拿鐵口感順暢，甜度輕微，帶牛奶及紫薯嘅香味。南瓜湯配法包湯creamy，口感棉滑，法包口感煙韌，浸湯食，口感及味道都唔錯。燒烤菇瑪格麗特菇身上放咗茄醬、芝士及香草一齊嚟烤，入口味道香濃。智利藍青口青口沾滿忌廉汁，肉質鮮嫩爽口。麵包沾上忌廉汁食，濃濃嘅忌廉味，簡直停唔到口。有機加拿大SAVOY CHOICE豬鞍賣相吸引，一大塊厚切豬鞍配上蔬菜。入口肉質嫩有肉汁，仲有陣陣炭燒嘅香味，沾埋醬汁更為惹味。西班牙海鮮飯表面舖滿海鮮; 虎蝦、青口、魷魚、大蜆等等。虎蝦爽口，大蜆、魷魚、青口鮮甜。將海鮮飯攪拌均勻，入口充滿鮮味。