Nomad (已結業)

近太子的cafe都多人排，但無其他cafe咁多人，排左20分鐘都入到座算係咁🤓門口有一條樓梯擺滿裝飾，俾人打卡影相，真正可以行嘅樓梯係喺舖頭入邊。舖頭分別有卡位同埋吧台位，但吧台位前方都有位放腳，唔會坐得好辛苦樓上果層亦都有廁所， 十分方便。叫咗兩樣嘢食，分別係蒲燒鰻魚漢堡包🍔同埋魚子海膽意大利飯。海鮮鰻魚漢堡包配上薯條，算係fusion菜，味道出奇地夾，醬料都配搭得好好，酸酸甜甜，值得一試，唯一美中不足係唔夠熱。至於意大利飯就比較遜色，好普通，味道又唔係好突出，顏色同擺盤亦都好一般，下次去可以叫其他菜式試吓。