Joyful Dessert House (已結業)

今日同女朋友去咗銅鑼灣拍拖，食完晚飯後，略嫌有點唔夠，於是去咗呢間甜品店食甜品。餐廳嘅牆壁有一大片嘅塗鴉，用咗好多甜品做背景，唔知大家又數唔數得出有幾多款呢？我同女朋友每人各叫咗一款甜品。紫薯窩夫：窩夫唔會太燶，外皮鬆脆；而且送上枱仍有點微暖，窩夫旁邊有紫薯味嘅cream，再用一個小杯裝上蜜糖，除咗美觀外，更重要嘅係可以讓顧客自行添加。係窩夫上加上紫薯味嘅cream，再塗上小小嘅蜜糖，再係窩夫上加上雪糕，冷熱交融嘅口感，實在係停唔到口。綠茶心太軟伴雪糕：綠茶味嘅雪糕加上綠茶味嘅心太軟，再伴上紅豆；唔知幾時開始「綠茶」永遠都離不開「紅豆」，就像我離不開女朋友一樣....講返正題，切開心太軟，都做到流心嘅效果。而且綠茶味好出，略帶一點苦澀味；一匙心太軟配合雪糕同紅豆，三種不同嘅東西，共冶一爐，口感上嘅層次亦都提升了。