駿景軒

營業中

休息中

媽咪生日訂左位係英皇駿景酒店駿景軒食飯。平時都好少去酒店食晚飯，方唔太大，環境清幽，唔會好嘈。我地叫左杏汁白肺湯，比媽咪補一補。湯超級足料，一上菜已經聞到陣陣既杏仁香味，入面仲有豬肺同埋雞腳，超級滋補，非常值得一試。當然點左佢地名菜胡椒蝦，果然名不虛傳，呢道菜用左原粒白胡椒把蝦焗熟，每隻蝦都帶有胡椒香。特別在於餐廳用左瓦罉黎焗，好有風味，外殻脆卜卜其實可以食堆，食晒外殻胡椒味。黑醋珠蟹肉帶子炒鮮奶係我最鍾意既一款，餐廳將黑醋用顆粒既形式上，口感好特別，咬爆左粒黑醋珠就會同鮮奶結合。呢道菜其實好似”塞螃蟹”，每一啖都會食到佢大大件蟹肉，送飯一流。餐廳用左新鮮既菠蘿同埋三色椒去整呢個咕嚕肉，而且係肥瘦均勻既去骨豬肉，啖啖肉，鬆化唔會硬，價錢亦合理，性價比好高。上湯雲吞皮薄餡靚，味道濃稠，再加幾條青菜。好彩係最尾先上，一客有成6粒，食完一半已經飽哂。睇餐單仲有好多川菜，但媽咪唔食得辣冇叫到，期待下次再黎食辣野。