太平飯店 (已結業)

星期一放工，同男朋友想搵d中菜食，本來都以為兩個人拍拖好難搵到夠浪漫又夠特色既中餐，好彩經過渣華道呢間太平飯店，而咁岩距地新推呢款二人餐。見張menu咁猛料，加上迷人老闆細心介紹，當然比個機會距。。。試一試個餐啦。門口d鹵水已經好吸引！！！（係啊，我記得地下仲有2隻鵝無影到，太cutecute）wine list （我地簡左蘋果酒）二人套餐menu～～～好啦 期待左咁耐，一上菜，絕對無令我地失望！！唔講咁多，直接上圖！我地簡既係涼拌香瓜（前菜）＋口水雞（小食）＋滷肉拼盤 ＋叉燒撈麵 ＋娃娃菜 ＋老火湯。。。媽啊，一次過滿足你無限個願望！！我地都鍾意食辣，前菜香瓜微微酸辣，好開胃。加埋口水雞麻辣，非常惹味（當然唔食辣既朋友有其他選擇）。拼盤種類應有則有，岩曬兩口子既食量同慾望！！撈麵味道好好，乾身撈麵配甜甜地、脆脆地既叉燒，真系一流。菜既味道同份量都剛好，岩曬我呢d咁健康既女士喔xddd老火湯嘛，識飲一定最後飲，一黎食既時候唔會搞到你成肚水咁，二黎一餐飯既結尾用暖暖既老火湯作結，咁樣先完滿又不失浪漫幸福感架嘛！！！食飽飽，我地一定會再黎架！！（同老闆打眼色）