雲桂香米線專門店

營業中

休息中

今日出去銅鑼灣經過雲桂香，見到終於都裝修好，好耐冇食過喇，一於入去試下裝修後味道如何，踏入去鋪頭依舊人頭湧湧，等左陣就有位，裝修完果然係舒服，冷氣又夠凍，乾淨企理。今次點左清湯小窩米線，招牌腩肉，墨魚丸，同豆卜 … 湯底清甜，米線軟硬適中，招牌腩肉不失水準，精髓在於辣辣地肥瘦適中，至於墨魚丸爽口彈牙，重中之重就梗係豆卜，吸收曬湯嘅精華，軟綿綿又有咬口，如果韭菜份量可以多啲就好喇，跟餐叫咗杯凍檸茶少甜少冰都只係8蚊，經濟又夠飽啱啱好。