星林居雲南米線餐廳 (已結業)

星林居係我至愛嘅米線鋪之一，有好多款嘅餸可以揀，任你多芽菜，多韮菜，多蔥，多酸同埋幾辣都得！任你自己揀想要嘅份量同口味！自由度好大，一定揀岩自己嘅口味！每次我都會走蔥普通酸同中小辣，再加紫菜同豬軟骨！豬軟骨好大舊好好味好入味！而蘿蔔水準就唔太穩定，有時有唔夠甜有時又有渣，真係睇你好唔好彩喇！有次試過豬紅就普普通通，唔食都擺！呢度嗌菜會另上一碟，份量都唔算少。呢度地方就有啲逼，坐得唔多舒服，大動作啲都驚會撞到人！